Hoe lank nog
Stes de Necker
Inleiding
In Gen. 1: 28 staan daar: “Toe het God hulle geseën en
vir hulle gesê: ‘Wees vrugbaar, word baie, bewoon die aarde en bewerk dit.
Heers oor die vis in die see, oor die voëls in die lug, oor al die diere van
die aarde, ook oor die diere wat op die aarde kruip.”
Die vraag wat ons as Christene onsself moet afvra is:
“Hoe kom ons ons rentmeesterskap oor die skepping na?
Wêreldbevolking
In my boek, “Verborge Skatte van die Bybel” het ek in
Hoofstuk 1 van Deel I daarvan na die groei in die wêreldbevolking sedert Adam
se tyd verwys. Daarin het ek aangedui dat statistici meen
dat gedurende die tyd 3,400 tot 3,500 VC. (die tydstip van die ontstaan van die
mens Adam), daar reeds 25 miljoen mense op aarde was. Met die sondvloed, in
nagenoeg 1,745 V.C., beraam statistici dat daar 44 miljoen mense op aarde was.
Met die geboorte van Christus, (jaar 1), word die wêreld bevolking op 200
miljoen beraam en tans (2012) word die wêreld bevolking op 7 biljoen beraam.
Die statistici voorsien verder dat in 2025, dertien jaar van nou af, hierdie
syfer 8 biljoen sal beloop en in die jaar 2040, 9 biljoen!
Sedert die ontstaan van Adam, het dit die
mensdom 5,200 jaar geneem om die 1 biljoen bevolkings kerf te bereik. Daarna
het dit 120 jaar geneem om 2 bilj. te bereik; Toe 30 jaar om 3 bilj. te bereik;
25 jaar om 4 bilj. te bereik; 15 jaar om 5 bilj. te bereik; 10 jaar om 6 bilj. te
bereik en toe weer 10 jaar om 7 bilj. te bereik in 2012.
Bereken teen hierdie groeikoers, beteken
dit dat die aarde binne die volgende twintig jaar, nagenoeg 2 biljoen
(2,000,000,000) addisionele mense sal moet akkommodeer en onderhou.
Bogenoemde grafiese voorstelling is
uitgegee deur die Amerikaanse Departement van Handel, “World Population Growth Through History” in
2010.
Suid-Afrika alleen sal oor die volgende
dertien jaar ʼn addisionele 28 milj. Mense moet voed en onderhou!
Grondbesetting
Suid-Afrika het tans 'n bevolking van
nagenoeg 50 milj. mense en 'n totale grondgebied van 1,219,912 vk. Kilometer.
Dit beteken dat die totale oppervlak per kapita in Suid-Afrika tans 25,000
hektaar beloop.
Met 'n beraamde bevolking van nagenoeg 77
milj. mense in 2025, sal die totale oppervlak per kapita afneem na 16
hektaar!
Besef
ons wat dit beteken? Onder andere beteken dit dat Suid-Afrika, binne
die volgende dertien jaar, 'n verdere 3 milj. hektaar landbougrond sal moet
afstaan net om aan die toekomstige vraag na addisionele residensiële
grond te voorsien.
Aardverwarming en verwoesting
van die Natuur
Anders as in Suid-Afrika gee die internasionale
nuus media (veral in die VSA) al hoe minder dekking aan die wesentlike gevare
wat die verwoesting van die natuur inhou. Natuur wetenskaplikes en ekoloë
beweer byvoorbeeld dat die internasionale pers, oor die afgelope twee jaar, 40%
minder nuusdekking aan aardverwarming afgestaan het as in die tydperk voor
2010.
So onlangs as Februarie 2012 het die Wall Street Journal van Amerika ʼn berig gepubliseer wat deur 16
sogenaamde “wetenskaplikes en ingenieurs” geskryf is onder die titel: “No Need
to Panic About Global Warming”. Hierdie sogenaamde wetenskaplikes en ingenieurs
is gelukkig vinnig deur wetenskaplikes op hierdie gebied gerepudieer en
ontbloot as bloot 'n klomp anti-aardverwarming propagandiste wat in werklikheid
nie eers wetenskaplikes of ingenieurs is nie en wie se foutiewe aannames reeds
verskeie kere in die verlede deur kundiges verwerp is.
Die vraag is egter wié is hierdie
propagandiste en wat is hulle motiewe vir die verspreiding van sulke
onwetenskaplike beriggewing?
Die antwoord is voor die hand liggend; Die
petroleum industrie kan nie bekostig dat die wêreld sal ophou om brandstof, wat
uit olie en steenkool vervaardig word, te gebruik nie! Vyf van die
“wetenskaplikes en ingenieurs” wat verantwoordelik was vir die verspreiding van
die Wall Street Journal berig, het bande met die petroleum reus
Ekonomiese imperatiewe
Die petroleum industrie beskik tans oor
enorme olie reserwes wat ekonome reken 'n verlies van nagenoeg $20 triljoen sal
beteken vir die aandeelhouers van maatskappye soos Exxon en andere as hierdie
reserwes afgeskryf moet word. Hierdie verlies sluit nie die verdere triljoene
dollar verliese in wat motor vervaardigers en sekondêre nywerhede sal ly nie.
Vir die olie magnate van hierdie wêreld is dit 'n baie groter bedreiging as
droogtes en oorstromings! Inplaas daarvan om die realiteit van aardverwarming
en die verwoesting van die natuur in die oë te staar, sal hierdie magnate alles
in hulle vermoë doen om die wêreld te oortuig dat aardverwarming nie regtig so
'n groot probleem is nie. Selfs eindelose misleidende veldtogte finansier om
mense te oortuig om nie te “panic” nie!
Wetenskaplike wêreldwyd is van mening dat
indien ons 'n verdere 565 milj. ton koolstof in die atmosfeer vrylaat, ons reeds die gemiddelde wêreld temperatuur
met meer as 20 Celsius sal
laat styg. Die petroleum industrie beskik tans oor olie reserwes gelykstaande
aan 2,795 bilj. ton koolstof. Vyf keer meer as die kritieke maksimum wat die
aarde kan
Nog nooit in die
geskiedenis was die wêreld se ekonomiese doelwitte so in stryd met die chemiese
en natuurkundige realiteite van vandag nie. Die jongste finansiële verslag van
Exxon Mobil vir die 2010/2011 finansiële jaar toon 'n wins van $41 bilj. of te
wel R 308,730,000,000 !
Die geldmag en
aardverwarming.
Dit wil voorkom of
die mensdom magteloos staan teen die volgehou aanslag op die natuur en die
aarde se voortbestaan deur die wêreld se geldmag. Menige wêreld konferensie oor
die verwoesting van die aarde lewe bitter weinig of geen, resultate nie;
westerse regerings weier summier om hulle koolstof vrystellings in te perk uit
vrees dat ander moondhede hulle ekonomiese magsbasis sal oorneem; menige
natuur-vriendelike uitvindsels en patente word summier opgeraap, net om dit
iewers vêr weg te stoor sodat dit nie in die handel kan verskyn nie. Enigeen
wat sou durf waag om hierdie magte te opponeer word summier uit die weggeruim.
Terwyl ons rustig saans “7e Laan” kyk, heers die “dier uit die aarde” alreeds
oor die regerings van hierdie wêreld.
Babilon, politieke
en ekonomiese setel van wat eens die Romeinse Ryk was en in Openbaring die
huidige politieke en ekonomiese magte van die wêreld verteenwoordig, floreer.
Openbaring 18: 3 sê: “... die sakemanne van die aarde het ryk geword uit haar
grenselose weelde.”
In die beskouing
van Openbaring in “Verborge skatte van die Bybel” (Hfst. 9 van Deel II) het ek
gesê dat die opkoms van die geldmag, wat vandag besig is om die westerse wêreld
in ʼn greep van “geld aanbidding” vas te vang en die politieke leiers van
hierdie wêreld wat nie skroom om die naam van Christus vir hulle eie politieke
gewin te misbruik nie, is duidelike tekens van die mag van die dier waarvan
daar in Op. 13 gepraat word. Openbaring 16
tot 18 word beskryf hoe hierdie Babilon, die “sedelose vrou”, die “politieke en
ekonomiese magte van hierdie wêreld” tot
ʼn val sal kom.
In Matt. 24: 7 sê
Jesus: “Die een nasie sal teen die ander te staan kom en die een
koninkryk teen die ander; daar sal op baie plekke hongersnode en aardbewings
wees” en vêrder in vers 11: “Daar sal baie vals profete kom en hulle sal baie
mense mislei.”
Ons sien vandag al
hoe meer die gevolge van aard verwarming; droogtes, hongersnood, oorstromings,
ongekende weerstoestande; die verwoesting van die natuurlike hulpbronne deur
die mens en die opkoms van valse profete (soos die skrywers van “No Need to Panic
About Global Warming”).
In Matt. 16: 2-3
sê Jesus: (2) “... en sê julle: ‘Daar kom mooi weer, want die
lug is rooi; (3) in die môre sê julle: ‘Vandag sal dit onweer wees,
want die lug is dynserig rooi’. Julle weet hoe om die voorkoms van die lug te
beoordeel, maar die tekens van die tye kan
Tekens van die tye
Liewe leser, in
Hfst. 1 van Deel I van “Verborge Skatte van die Bybel” het ek gesê dit wil
voorkom of ons, in soverre dit ons aardse bestaan betref, reeds diep in
beseringstyd is.
Verder het ek ook
gesê dat dit NIE beteken dat die aarde noodwendig binne die volgende maand of
jaar (of 21 Desember 2012) sal vergaan nie! Dit beteken bloot dat ons as
Christene altyd gereed moet wees vir die dag wanneer Jesus weer na hierdie
aarde sal terugkeer. Of dit oor 'n maand, 'n jaar, of selfs duisende jare sal
wees, weet ons nie. Maar wat ons wel weet is dat ons, “ons klere moet was,
sodat ons reg kan hê op die boom van die lewe
en deur die poorte in die stad kan
Wanneer die
wederkoms sal plaasvind weet net God. Selfs nie Jesus Christus weet wanneer dit
sal wees nie. Wanneer dit ook al die dag gebeur sal elke mens, ek en jy
ingesluit, rekenskap moet gee van ons rentmeesterskap oor hierdie aarde.
In
die gewone spreektaal praat on almal elke dag oor iets wat sogenaamd aan ons
behoort. My grond; my huis; my man; my vrou; my kinders, terwyl niks hiervan in
werklikheid aan ons behoort nie. God, aan wie alles behoort, het al hierdie
dinge maar bloot aan ons toevertrou. Ons as rentmeesters daaroor aangestel.
'n
Rentmeester besit nie iets nie; hy hou bloot dit wat die eienaar aan hom gegee
het in trust. In hierdie opsig beskik 'n rentmeester dus nie oor besitreg nie,
maar oor 'n verantwoordelikheid waaroor hy as rentmeester aangestel is.
Jesus het verskeie gelykenisse gebruik waarin Hy
rentmeesterskap as beeld van die mens se verantwoordelikheid gebruik. Elke
gelykenis eindig met die vertelling van ʼn rentmeester wat verslag moet doen oor
die eienaar se besittings. Hiermee wou Jesus ons prakties leer van ons
verantwoordelikhede as Sy rentmeesters (vertrouelinge) oor alles wat Hy aan ons toevertrou het: tyd,
geld, vermoëns, die aarde, familie ens.
Eendag sal ons ook verslag moet doen aan die eienaar van hierdie dinge en ons met Sy besittings te werk gegaan
het. Rom. 14: 12
“Elkeen van ons
sal dus oor homself aan God rekenskap moet gee.”
Rentmeesterskap, is nie iets wat ons uit vrye wil doen
nie; dit is ʼn verantwoordelikheid wat aan ons opgedra is. (1 Kor. 9: 17)
Hoe gaan ons eendag aan God verduidelik wat ons met Sy
aarde, Sy skepping, aangevang het?
Vind nog interessante artikels op
my blog.
Kliek net http://stesdeneckers.blogspot.com
No comments:
Post a Comment